Хураангуй:
Энэхүү судалгааны ажлаар Татвараас зайлсхийх явдлаас сэргийлэх олон улсад хэрэглэгддэг арга замуудын нэг болох Татвараас Зайлсхийхийн Эсрэг Ерөнхий Дүрэм /ТЗЭЕД буюу GAAR/-ийг олон улсын татварын нийтлэг зарчимд нийцсэн байдлаар Монголд нэвтрүүлэх боломжит арга замыг тодорхойлох санал, зөвлөмж боловсруулах зорилго тавьсан.
Судалгааны хүрээнд ТЗЭЕД-ийг хэрэгжүүлсэн Их Британи, Энэтхэг, Шинэ Зеланд, Австрали, Хятад, Гана орнуудын туршлагыг судалж үзлээ. Судалгааны харьцуулах аргыг ашиглан эдгээр оронд ТЗЭЕД-ийг хэрэгжүүлсэн ололттой болон дутагдалтай талыг харьцуулж, мөн манай улсад авч хэрэгжүүлэх боломжтой туршлагыг судалж дүгнэлт гаргалаа.
Судалсан олон улсын туршлагадаа үндэслэн хэд хэдэн зөвлөмж боловсруулсан ба энэ чиглэлээр судалгаа хийх оюутан судлаачид ба шат шатны төрийн байгууллага, татварын албаны хэрэгцээнд бага ч болов хувь нэмэр болох байх гэж найдаж байна.
