Хураангуй:
Тус судалгааны ажлаар ОУВС-н өргөтгөсөн санхүүгийн хөтөлбөрийн Монголын эдийн засагт үзүүлэх нөлөөг судалсан. Ингэхдээ салбар хоорондын тэнцлийн 2016 оны өгөгдөл, нийгмийн тооцооны матрицын 2014 оны өгөгдөл болон gempack программ ашигласан. ОУВС-н хөтөлбөр нь эдийн засагт бодлогын өөрчлөлт болон санхүүжилт гэсэн үндсэн хоёр сувгаар дамжин нөлөөлнө. Салбар хоорондын тэнцэл ашиглан ОУВС-н хөтөлбөрийн бодлогын өөрчлөлт болон салбар дах санхүүжилт нь бусад салбарт хэрхэн нөлөөлөх вэ гэдгийг, нийгмийн тооцооны матриц ашиглан ЗГ-н зардлаа танах арга хэмжээ буюу бодлогын өөрчлөлт нь эдийн засагт хэрхэн нөлөөлөхийг тус тус тооцсон. Судалгааны үр дүнд салбар хоорондын тэнцлээс салбаруудын үйлдвэрлэл нэмэгдэх, үнийн түвшин буурах хандлага ажиглагдсан бол нийгмийн тооцооны матрицын хувьд нийт экспорт, үнийн түвшин, төсвийн тэнцэл, ЗГ-н шилжүүлэг зэрэг үзүүлэлтүүд буурах чиг хандлагатай гэсэн үр дүн гарлаа.