Хураангуй:
2017 оны төгсгөл хүртэл НББОУС-аар борлуулалтын орлогыг НББОУС 18 Орлого болон НББОУС 11 Барилгын гэрээ стандартын аль нэгээр бүртгэж ирсэн. Гэвч борлуулалтын орлого бүртгэх энэхүү хоёр стандарт нь ААН-үүдийн үйл ажиллагаа явуулж буй салбар болон зорилгоос хамаарч ялгаатай байдлаар ашиглагдаж ирсэн. Тиймээс өөр салбарт үйл ажиллагаа явуулдаг ААН-үүдийн борлуулалтын орлогыг харьцуулах, цаашилбал нэг салбарт үйл ажиллагаа явуулдаг ойролцоо ААН-үүдийн борлуулалтыг хооронд нь харьцуулахад хүндрэлтэй байсан. Иймд НББ-ийн олон улсын стандартын зөвлөл СТОУС 15 Худалдан авагчидтай байгуулсан гэрээний орлого стандартыг боловсруулж, 2018 оны 1 сарын 1-ээс хэрэгжүүлж эхэлсэн. Энэхүү судалгааны ажлын хүрээнд Монгол улсад шинэ стандартын хэрэгжилтэд тулгарч буй асуудлуудыг тодорхойлж, тэдгээрийг шийдвэрлэх санал зөвлөмж өгөх юм.
