Хураангуй:
Энэхүү судалгаа нь Монгол улсын тээврийн салбар тэр дундаа нүүрс тээвэрлэлтийн байгууллагуудын ажлын байран дахь зохисгүй зан төлөвийг судалж дүгнэсэн ажил юм.
Ажлын байран дахь зохисгүй зан төлөвийг судлах судалгаа сүүлийн жилүүдэд олон салбарт анхаарал татаж байгаа бөгөөд тээврийн салбарын тэр дундаа авто тээврийн салбарт хүний нөөцийн бодлоготой холбоотой зохисгүй зан төлөвийг илрүүлж хэмжсэн судалгаа шинжилгээг боловсруулав. Ажил дээрх зохисгүй зан төлөв нь байгууллагуудад ихээхэн алдагдал учруулж байгааг ч олон судалгааны ажлууд нотолсоор байна.
Хэдийгээр ажил дээрх зохисгүй зан төлөв ажилтнуудын дунд байдаг ч шууд хэмжигдэх боломж багатай байдаг. 1990-ээд оноос эхлэн онолын хувьд нарийвчлан судалж, түүний төрөл хэлбэрүүдийг тодорхойлж, хэмжих аргачлалуудыг боловсруулж иржээ.
Уг судалгааны ажлаараа нүүрс тээвэрлэлтийн байгууллагуудад ажил дээрх зохисгүй зан төлвийн судлаачдын тодорхойлсон 4 хэлбэр тус бүрээр ямар байгааг тодруулж, хэмжсэн юм. Цаашид түүнийг бууруулахад чиглэгдсэн менежментийн бодлого, арга замыг боловсруулахад тодорхой хувь нэмэр оруулах боломжтой болох юм.
