БАНК БУС САНХҮҮГИЙН БАЙГУУЛЛАГЫН БИЧИЛ ЗЭЭЛИЙН ЧАНАРЫГ САЙЖРУУЛАХ АРГА ЗАМ

Abstract

Манай улсын зах зээлийн дийлэнх хэсгийг санхүүгийн салбар бүрдүүлж байна. Банкуудын өөрийн хөрөнгө гурван их наяд төгрөгт хүрсэн. Тэгвэл ББСБ-уудын өөрийн хөрөнгө үүний 27 хувьтай 717 сая тэнцэж байгаа нь томоохон санхүүгийн салбар болсны нотолгоо юм. Санхүүгийн зах зээл өргөжин тэлэхийн хэрээр уг зах зээлд үйл ажиллагаа явуулж буй санхүүгийн байгууллагууд ард иргэдийн хэрэгцээ шаардлагад нийцсэн бүтээгдэхүүн үйлчилгээг илүү төрөлжүүлэн тэдэнд санал болгох болсон.

2018 оны 3 сарын байдлаар 537 банк бус санхүүгийн байгууллага тусгай зөвшөөрөл авч үйл ажиллагаагаа Улаанбаатар хот болон хөдөө орон нутагт явуулж байгаа билээ. ББСБ-н дийлэнх хувь буюу 90,3% нь зээлийн үйл ажиллагаа эзэлдэг байна. Нийт зээлийн үлдэгдэл өмнөх оноос 33.4%-аар нэмэгдсэн буюу 638 тэрбум төгрөгт хүрсэн. Зээлийг 94.9%-г төгрөгөөр 5.1%-г валютаар олгосон ба зээлийн үлдэгдлийн 82.6% нь хэвийн зээл, 4.7 хувь нь хугацаа хэтэрсэн зээл, 12.7% нь чанаргүй зээл байна.