Хураангуй:
Тус судалгааны ажил нь нийгмийн капиталын ажил эрхлэлтэд үзүүлэх нөлөөг судалсан. Нийгмийн капиталын талаарх ойлголт болон тодорхойлолтуудыг судласан бөгөөд 2014-2017 оны СЭЗИС-ийн төгсөгчдийн өгөгдлийг ашиглан шинжилгээ хийсэн. Судалгааны үр дүнд нийгмийн капитал болон төгсөгчдийн ажил эрхлэх эсвэл цааш суралцах сонголт, ажилд орох магадлал, анхны цалин, ажлын байрны сэтгэл ханамж зэргийн хооронд хамаарал ажиглагдаагүй. Харин ямар нэг клубд харьяалагддаг байсан бол ажилд орохыг илүүд үздэг бөгөөд тэтгэлэг авах, улсын чанартай тэмцээн уралдаанд оролцох нь ажилд орох магадлалыг нэмэгдүүлдэг.
