"Зэт хорин дөрөв" ХХК маркетингийн төлөвлөгөө

Abstract

Өнөөгийн бидний нийгэм улам бүр хөгжихийн хэрээр хүмүүсийн гадаад улс орныг зорих явдал ихэссэн бөгөөд тэд явахдаа хамгийн хялбар захиалга хямд үнийн санал бүхий тийзийг хайх болсон. Тус компани сэтгэл хангалуун үйлчилгээ, өрсөлдөхүйц үнэ, шуурхай захиалгаар өрсөлдөгчдөөсөө ялгаран агаарын тээврийн салбарт цахиур хагалж байгаа боловч өрсөлдөөн улам бүр нэмэгдсээр байна. Жил ирэх тусам техник технологи, онлайн үйлчилгээ ихсэж байгаатай холбоотойгоор байгууллагын одоо байгаа үйл ажиллагаан дээр үнэлгээ хийж, түүн дээр суурилсан өөрчлөлт, шинэчлэл хийх шаардлага тулгараад байгаа юм. Тиймээс “Зэт хорин дөрөв” ХХК-н хувьд дотооддоо үйл ажиллагаагаа өргөжүүлэх, цаашлаад илүү олон хэрэглэгчдийн сайшаалд нийцсэн компани болохын тулд хэрэглэгчдийн хэрэгцээ шаардлага, хүсэл сонирхлыг олж мэдэх, салбарын чиг хандлага, олон улсын чиг хандлага ямар байгааг олж мэдэх, техник технологи, ажиллах хүчний хүчин чадал зэргийг тооцож хэрэгжүүлэх арга замыг тусгасан маркетингийн төлөвлөгөөг хүргэж байна. Үүний тулд салбарын макро орчны судалгаа болон хэрэглэгчдийн зан төлөвийн судалгаа шинжилгээг хийж, түүнтэй уялдуулан маркетингийн хольцын 7P –г боловсруулсан болно.