Хөрөнгийн даатгалын хувьд давхар даатгалын хэрэгцээ шаардлагыг тодорхойлох нь

Abstract

Даатгалын салбарын хувьд давхар даатгалд даатгуулах замаар эрсдэлийг тараан байршуулах хэлбэр нь даатгалын компанийн эрсдэлийн удирдлагын гол арга техник болон хэрэглэгдэж байна. Манай улсын хувьд энэхүү арга хандлага нь төдийлөн үр дүнтэй хэмжээнд судлагдаж амжаагүй байгаа хэдий ч дотоодын томоохон даатгалын компаниуд аль хэдийнэ гадны давхар даатгалын компаниудад багц бүтээгдэхүүнээ даатгуулах замаар хамтран ажиллаад эхэлсэн. Дотоодын компаниудын хувьд давхар даатгалын үйлчилгээ авах замаар эрсдэлийн түвшинг удирдаж байгаа боловч их хэмжээний хохирол үүсэн нөхөн төлбөрийн чадваргүй болох, давхар даатгалын компаниас авсан нөхөн төлбөрийн хэмжээ нь хохирлыг хааж хүрэхгүй байх гэх мэт хүнд нөхцөл байдалд оруулж буй олон жишээ байсаар байна. Монгол улсын даатгалын зах зээлд давхар даатгалын үйлчилгээ хэрэгцээтэй байгааг мөн тус давхар даатгалын даатгуулах шаардлагатай хэм хэмжээг тогтоосноор эрсдэлийн удирдлагын түвшин хэрхэн нэмэгдэхийг харууллаа.