Хураангуй:
Сүүлийн жилүүдэд эмэгтэйчүүдэд зориулсан хумсны арчилгаа, хумсны гоо сайхан чиглэлээр үйл ажиллагаа явуулдаг салонууд ихээр байгуулагдах болсон. Эмэгтэй хүн бүр гоо сайхандаа анхаарч эдгээр салонуудаар тогтмол үйлчлүүлэх болсон ба тодорхой хэмжээний мөнгийг зарцуулдаг. Иймээс зах зээлд үйл ажиллагаагаа явуулж буй салонуудаас ялгарах “K Nail Sensation” салоны идэвхжүүлэлтийн төлөвлөгөөг бичих үндэслэл болсон.
Энэхүү дипломын ажил нь Улаанбаатар хотын эмэгтэйчүүдийн маникюр, педикюрийн салоноор үйлчлүүлэгчдийн зан төлөвийг 198 хүнээс авсан асуулгын судалгаагаар тодорхойлж, үр дүнд үндэслэн “K Nail Sensation” салоны өрсөлдөгчид, идэвхжүүлэлтийн арга хэрэгслийг тодорхойлж мөн оновчтой идэвхжүүлэлтийн төлөвлөгөө бичих зорилготой юм.
