Хураангуй:
Үйлдвэрлэлийн өртөг бүрдэлтийн үйл явцыг судалж, эмийн үйлдвэрлэлд тохирсон аргачлалыг боловсруулах, өртгийн удирдлагыг боловсронгуй болгох санал зөвлөмжийг боловсруулах зорилготойгоор миний бие энэхүү судалгааны ажлын сэдвийг сонгон авсан. Тус судалгааны ажлын хүрээнд Монголын зах зээлд үйл ажиллагаа явуулж буй 40 эмийн үйдвэрүүдээс салбарын хувьд томоохон төлөөлөгч болох “АААА” ХХК, “БББ” ХХК, “ВВВ” ХХК, “ССС” ХХК сонгон авч салбарын төлөөллийн судалгааг хийсэн. Эмийн үйлдвэрлэлийн байгууллагууд нь үйлдвэрлэлийн процесс ижил учир судалгааны обьектоор “ААА” ХХК-г сонгон авч цаашдын өртөг тооцололтын аргачлалыг боловсруулан санал зөвлөмж өгсөн.
Эмийн үйлдвэрлэлийн байгууллагууд нь өртгийн удирдлах аргыг түлхүү хэрэглэдэг боловч өртөг тооцоололтын үнэн зөв байдлын ач холбогдлыг төдийлөн авч үздэггүй. Үүний улмаас буруу шийдвэр гаргалтыг бий болгох эрсдэлийг агуулж байсан. Бүтээгдэхүүний өртөг тооцсоны дараа АВС болон уламжлалт хоёр аргыг харьцуулан үзэхэд АВС аргаар тооцсон нь илүү үр дүнтэй болох нь харагдаж байна. Учир нь АВС арга нь илүү нарийвчлалтай болон өртөг зардал бүрт тохирсон чиглүүлэгчдийг гаргаж ирснээрээ бүтээгдэхүүний өртөг тооцолтыг илүү бодитой болгож чадаж байна. Мөн тухайн бүтээгдэхүүний өртөг юунаас болж өсөөд байгаа, тухайн бүтээгдэхүүний өртөгийг бий болгож буй илүүц үйлдлийг тухай бүрт сайжруулалт, шинэчлэлт хийж явснаараа бүтээгдэхүүн үйлдвэрлэх техник, технологийг илүү үр бүтээлтэй ашиглах юм.
Дээрх үр дүнгийн хүрээнд дараах санал зөвлөмжийг гаргасан үйлдлийн чиглүүлэгчдийг нарийвчлан байнгын бүртгэл хийх болон байнга үйлдвэрлэгддэг эмэн дээр үйлдлийн чиглүүлэгчийг стандартчилан тогтоож өгвөл үйлдлийн чиглүүлэгчдийг тооцоход илүү хялбар байдлыг бий болгоно. Түүнчлэн байгууллагын ERP системд үйлдлийн төвүүдийг нарийн тодорхойлж оруулан АВС тооцох арга аргачлалыг илүү боловсронгуй болгон хөгжүүлэх нь зүйтэй юм.
