https://repository.ufe.edu.mn/xmlui/handle/8524/4120 Sat, 10 Oct 2026 22:21:27 GMT 2026-10-10T22:21:27Z https://repository.ufe.edu.mn/xmlui/handle/8524/4939 Төр, хувийн хэвшлийн түншлэлийн гэрээ байгуулах эрх зүйн зохицуулалт, хэрэгжилтийн асуудал Дэлгэрбаяр, Ууганзаяа Энэхүү судалгааны ажил Монгол улсын Төр, хувийн хэвшлийн түншлэлийн тухай хууль, түүнд нийцүүлэн батлагдсан Засгийн газрын 404, 474, 475 дугаар тогтоолын холбогдох журам, түншлэлийн гэрээний стандарт загварын хүрээнд гэрээ байгуулах ажиллагааны эрх зүйн зохицуулалт, хэрэгжилтийн асуудлыг судлахад чиглэнэ. Судалгаанд гэрээ байгуулах эрх хэмжээ, гэрээ байгуулах зөвшөөрөл, гэрээний гол нөхцөл, стандарт гэрээний загварын эрх зүйн үүрэг, дагалдах гэрээ, гэрээний хэрэгжилтийн хяналт, маргаан шийдвэрлэх болон харъяаллын зохицуулалтыг голлон авч үзнэ. Мөн Монгол улсын зохицуулалтад илэрч буй асуудлыг Казахстан, Бүгд Найрамдах Солонгос улс, Их Британи, Францын зохицуулалттай харьцуулахын зэрэгцээ Эдийн засгийн хамтын ажиллагаа, хөгжлийн байгууллага (OECD), НҮБ-ын Ази, Номхон далайн эдийн засаг, нийгмийн комисс (UNESCAP)-ын Төр, хувийн хэвшлийн түншлэлийн тухай гэрээний тодорхой байдал, эрсдэлийн хуваарилалт, маргаан шийдвэрлэхтэй холбоотой зөвлөмжийг эх сурвалж болгон ашиглана. Иймд уг судалгааны хүрээ нь Төр, хувийн хэвшлийн түншлэлийн гэрээ байгуулах эрх зүйн зохицуулалт, түүний хэрэгжилтийн асуудлаар хязгаарлагдана. Thu, 08 Oct 2026 00:00:00 GMT https://repository.ufe.edu.mn/xmlui/handle/8524/4939 2026-10-08T00:00:00Z https://repository.ufe.edu.mn/xmlui/handle/8524/4930 Өмчлөгчийн эрх ба бэлэглэлийн гэрээний зарим асуудлууд Олонбаяр, Энх-Очир Энэхүү судалгааны ажлын зорилго нь өмчлөгчийн эрх ба бэлэглэлийн гэрээний эрх зүйн зохицуулалтыг онол, практикийн хүрээнд судалж, хууль хэрэглээний тулгамдсан асуудлыг тодорхойлон шийдвэрлэх боломжийг эрэлхийлэхэд оршино. Судалгаагаар өмчлөх эрхийн ойлголт, агуулга, хамгаалалт, бэлэглэлийн гэрээний эрх зүйн шинж, хүчин төгөлдөр байдал болон хүчин төгөлдөр бусад тооцох үндэслэлийг Монгол Улсын Иргэний хуулийн зохицуулалттай уялдуулан авч үзэв. Түүнчлэн шүүхийн практикт түгээмэл тохиолдож буй бэлэглэлийн гэрээг дүр үзүүлэн болон халхавчилсан хэлцэл болгон ашиглах, бэлэглэлийг хүчингүйд тооцох, буцаан шаардахтай холбоотой маргааныг судалж, дүн шинжилгээ хийлээ. Судалгааны үр дүнд бэлэглэлийн гэрээтэй холбоотой зарим зохицуулалт тодорхой бус байгаагаас хууль хэрэглээний зөрүү үүсэж, өмчлөгчийн эрхийн тогтвортой байдалд сөргөөр нөлөөлж байгааг тогтоов. Иймд бэлэглэлийн гэрээний үнэ төлбөргүй шинжийг тодорхой болгох, гэрээ байгуулах үеийн хүсэл зоригийг илүү нарийвчлан баталгаажуулах, хууль хэрэглээний нэгдмэл байдлыг хангах чиглэлээр холбогдох хууль тогтоомжийг боловсронгуй болгох шаардлагатай гэсэн дүгнэлтэд хүрсэн болно. Fri, 04 Sep 2026 00:00:00 GMT https://repository.ufe.edu.mn/xmlui/handle/8524/4930 2026-09-04T00:00:00Z https://repository.ufe.edu.mn/xmlui/handle/8524/4929 Ажилтны хөдөлмөрийн аюулгүй байдал алдагдсанаас үүсэх хохирлыг арилгуулах эрх зүйн асуудал Эрдэмбилэгт, Ариунбилэг Энэхүү дипломын ажил нь ажилтны хөдөлмөрийн аюулгүй байдал, эрүүл ахуй алдагдсанаас үүсэх хохирлыг арилгахтай холбоотой эрх зүйн үндсэн асуудлыг судлахад чиглэсэн болно. Судалгааны хүрээнд Монгол Улсын хөдөлмөрийн аюулгүй байдал, эрүүл ахуйн талаарх хууль тогтоомжийн зохицуулалт, ажил олгогчийн эрх үүрэг, үйлдвэрлэлийн осол, мэргэжлээс шалтгаалсан өвчин, түүнээс үүдэн бий болох хохирол, нөхөн төлбөрийн асуудлыг шинжлэн судаллаа. Мөн Хөдөлмөрийн аюулгүй байдал, эрүүл ахуйн тухай хууль болон түүний шинэчилсэн найруулгын төслийг харьцуулан судалж, шинэчилсэн найруулгад эрсдэлийн удирдлага, хөдөлмөрийн эрүүл мэндийн тандалт, цахим мэдээллийн тогтолцоо зэрэг олон улсын жишигт нийцсэн зохицуулалтыг тусгасан нь хөдөлмөрийн аюулгүй байдлын тогтолцоог боловсронгуй болгоход ач холбогдолтой болохыг дүгнэв. Thu, 03 Sep 2026 00:00:00 GMT https://repository.ufe.edu.mn/xmlui/handle/8524/4929 2026-09-03T00:00:00Z https://repository.ufe.edu.mn/xmlui/handle/8524/4926 Хадгаламжийн даатгалын корпорацийн эрх зүйн орчин: засаглалын асуудал ба сайжруулах арга замууд Амаржаргалын, АНАР Энэхүү дипломын ажил нь Монгол Улсын Хадгаламжийн даатгалын корпорацийн дотоод бүтэц, засаглалын механизм, эрх зүйн орчин зэргийг онол, практикийн үүднээс хадгаламжийн даатгалын тогтолцооны сайн жишгийг бий болгоод буй БНСУ болон Япон улстай харьцуулан судалсан. Түүнчлэн, Олон Улсын Хадгаламж Даатгагчдын Холбооноос гаргасан ХДК-ийн баримтлах суурь 16 зарчмуудыг Монгол улс системдээ нэвтрүүлж чадсан эсэх болоод тус зарчмуудын хэрэгжилтэд үнэлэлт дүгнэлт өгч, сайжруулах эрх зүйн санал, зөвлөмж боловсруулахад чиглэгдсэн болно. Мөн “Капитал” банкны дампуурлын жишээг судалж, Монгол Улсад банкны хямралын үед урьдчилан сэргийлэх эрх зүйн механизм дутмаг байгааг нотлон харуулсан. Судалгааны үр дүнд, Монгол Улсын ХДК нь санхүүгийн тогтвортой байдлыг хангахад чухал үүрэгтэй хэдий ч эрх зүйн орчин болоод бодлогын хэрэгжилтийн хувьд тодорхой сул талуудтай болохыг тогтоов. Иймд олон улсын жишигт нийцсэн бие даасан, урьдчилан сэргийлэх чиг үүрэг бүхий даатгалын тогтолцоог бүрдүүлэх, шаардлагатайгаас гадна хуульд “түр гүүр банк”, “хямралын үеийн нөөц төлөвлөгөө”, “өрийн эргэн төлөлтийн эрх” зэрэг заалтуудыг тусгах нь зүйтэй гэж үзлээ. Wed, 02 Sep 2026 00:00:00 GMT https://repository.ufe.edu.mn/xmlui/handle/8524/4926 2026-09-02T00:00:00Z