https://repository.ufe.edu.mn/xmlui/handle/8524/24 2026-08-26T23:53:52Z https://repository.ufe.edu.mn/xmlui/handle/8524/4910 DIGIPAY АППЛИКЕЙШНЫ ХЭРЭГЛЭГЧИЙН СЭТГЭЛ ХАНАМЖИД НӨЛӨӨЛӨХ ХҮЧИН ЗҮЙЛС Батаа, Дэлгэрмааа Сүүлийн жилүүдэд хэрэглэгчид цаг хугацаа болон байршлын хязгаарлалтгүйгээр, хэзээ ч хаанаас ч санхүүгийн төрөл бүрийн гүйлгээ хийх боломжтой болсон тул цахим банкны үйлчилгээг улам бүр ихээр ашиглах болсон (Hammoud, J.,Bizri, R. M., & El Baba,, 2018). Мобайл банк, өөрөөр хэлбэл “m-banking” буюу мобайл санхүүгийн үйлчилгээ нь ухаалаг гар утас, таблет зэрэг хөдөлгөөнт төхөөрөмжөөр дамжуулан төрөл бүрийн банк, санхүүгийн үйлчилгээнд нэвтрэх боломж олгодог технологийн шинэчлэл юм. Мобайл банк нь хувь хүмүүс санхүүгээ удирдах аюулгүй, тохиромжтой систем бөгөөд уламжлалт банкны салбар дээр очиж үйлчлүүлэх шаардлагыг багасгаж, хэрэглэгчид хаанаас ч, хэзээ ч банкны үйлчилгээ авах боломж олгодог. (Nikita, 2024) Цахим банкны нэвтрүүлэлт нь банкны салбар дээр очин үйлчлүүлэх хүлээлгийн хугацааг бууруулж, хүн амын дийлэнх хэсгийг банкны үйлчилгээнд хамруулах боломжийг бүрдүүлж байна (Arcand, M., PromTep, S., Brun, I., & Rajaobelina, L., 2017). Хэрэглэгчдийн ухаалаг гар утасны хэрэглээ жилээс жилд ихсэн, олон төрлийн бизнесүүд мобайл төлбөрийн систем нэвтрүүлж байгаа зэрэг нь мобайл банк хэрэглээг нэмэгдүүлж байгаа билээ. Санхүүгийн салбар дахь шинэ суваг болох мобайл банкны талаар хийгдсэн ихэнх судалгаанууд нь хэрэглээний нэвтрэлтийн (adoption) асуудалд дээр төвлөрдөг. Мобайл банкны талаарх олон эмпирик судалгаа хэрэглэгчид яагаад мобайл банк ашиглахыг сонгодог, ямар хүчин зүйлс болон сэдэл нь хэрэглээг бий болгодгийг ойлгохыг зорьдог байна (Oliveira, 2016). Гэвч мобайл банк ашигласны дараах үе шат, тухайлбал хэрэглэгчийн сэтгэл ханамж хэр байгаа талаарх судалгаа харьцангуй ховор байдаг байна. Дэлхий дахинд болон Монгол улсад мобайл банкны хэрэглэгчийн сэтгэл ханамжтай холбоотой судалгааны ажил нэмэгдэж байгаа хэдий ч “Хаан банк” компанийн “DigiPay” аппликейшн дээр хийгдсэн судалгааны ажил байхгүй байна. Мөн DigiPay аппликейшны хэрэглэгчийн тоог Хаанбанк аппликейшны хэрэглэгчийн тоотой энэ дүйцэхүйц байх ирээдүйн зорилготой байгаа ба хэрэглэгч нар яаг ямар шалтгааны улмаас энэхүү аппликейшны хэрэглээг илүү их нэмэгдүүлэх талаарх зорилтот судалгаа хийж байгаагүй нь энэхүү сэдвийг сонгосон үндэслэл болсон юм. Иймд уг судалгаагаар зардал, аюулгүй байдал, харьцангуй давуу тал, хариу үйлдэл, ая тухтай байдал, гүйцэтгэл, ашиглахад хялбар байдал зэрэг нь сэтгэл ханамжид хэр нөлөөлж байгааг олоход оршино. 2026-08-21T00:00:00Z https://repository.ufe.edu.mn/xmlui/handle/8524/4839 Пилатесийн үйлчилгээний төвийг сонгоход нөлөөлөх хүчин зүйлсийн судалгаа Гансүх, Энхжин Сүүлийн жилүүдэд эрүүл мэндийн асуудал нэмэгдэж, пилатесийн үйлчилгээний эрэлт өсөхийн хэрээр хэрэглэгчид төвөө сонгохдоо ямар хүчин зүйлд тулгуурлаж байгааг тодорхойлох шаардлага бий болсон. Энэхүү судалгааны зорилго нь пилатесийн үйлчилгээний төвийг сонгох хэрэглэгчийн шийдвэрт нөлөөлөх хүчин зүйлсийг тодорхойлох явдал юм. Судалгааны хүрээнд хэрэглэгчийн зан төлөвийн онол болон үйлчилгээний чанар, үнэ, байршил, орчин, багшийн ур чадвар зэрэг хүчин зүйлсийг авч үзэн загвар боловсруулсан. Улаанбаатар хотын 385 хэрэглэгчээс цуглуулсан өгөгдөлд SPSS программ ашиглан шинжилгээ хийсэн. Судалгааны үр дүнд хэрэглэгчид пилатесийн төв сонгохдоо байршлын хүртээмж, цагийн хуваарийн уян хатан байдал, үйлчилгээний орчин, багшийн ур чадвар, үнийн зохистой байдлыг хамгийн чухал хүчин зүйл гэж үздэг нь тогтоогдсон. Хэрэглэгчид пилатест ерөнхийдөө эерэг хандлагатай боловч тогтмол хамрагдах эсэх нь үйлчилгээний чанараас илүүтэйгээр тухайн үйлчилгээ тэдний амьдралын хэв маяг, цаг хугацааны боломж, хувийн нөхцөлтэй хэр нийцэж байгаагаас ихээхэн хамаарч байна. Мөн хэрэглэгчдийг зан төлөвийн онцлогоор нь гурван сегментэд ангилж болох нь тогтоогдсон бөгөөд энэ нь пилатесийн үйлчилгээ эрхлэгчдэд хэрэглэгчийн хандлага, ойлголтод чиглэсэн стратеги боловсруулахад ач холбогдолтой юм. 2026-06-23T00:00:00Z https://repository.ufe.edu.mn/xmlui/handle/8524/4832 ХЭРЭГЛЭГЧДИЙН ХУДАЛДАН АВАХ ШИЙДВЭР ГАРГАЛТАД НӨЛӨӨЛЖ БУЙ ОЛНЫ ТАНИЛ ХҮМҮҮСИЙН ХУВЬ ХҮНИЙ БРЭНДИЙГ ТОДОРХОЙЛОХ ХҮЧИН ЗҮЙЛСИЙН СУДАЛГАА Батжаргал, Ариунзаяа Судалгааны үндэслэл ба зорилго: Орчин үеийн сошиал медиа маркетингийн орчинд олны танил эрхмүүдийн нөлөөлөл хэрэглэгчийн шийдвэр гаргалтад хэрхэн нөлөөлж буйг судлах шаардлага нэмэгдэж байна. Энэхүү судалгааны зорилго нь олны танил хүний шинж чанарууд нь дагагчдын сэтгэл зүй болон худалдан авах зан төлөвт хэрхэн нөлөөлж буй механизмыг тодорхойлоход оршино. Арга зүй: Судалгаанд нийт 385 хэрэглэгч болон 7 олны танил эрхмийг хамруулж, хоёр талт асуулгын аргаар өгөгдөл цуглуулсан. Өгөгдлийг боловсруулахдаа Кронбахын альфа, хүчин зүйлийн шинжилгээ, корреляци, олон хүчин зүйлийн регресс, Baron & Kenny-ийн зуучлалын шинжилгээ болон кластер, Радар шинжилгээний аргуудыг ашигласан. Үр дүн: Регрессийн шинжилгээний үр дүнгээс харахад олны танил хүний брэндийн зохицол болон мэргэжлийн чадвар нь хэрэглэгчийн худалдан авах шийдвэрт хамгийн хүчтэй эерэг нөлөөг үзүүлж байна. Харин итгэл даах чадвар нь хэрэглэгч болон алдартны хооронд үүсэх сэтгэл зүйн дотно холбоо буюу парасоциал харилцааг бүрдүүлэх гол суурь хүчин зүйл болох нь тогтоогдсон. Судалгаагаар парасоциал харилцаа нь сурталчилгааны үр нөлөөнд шууд бус буюу хэсэгчилсэн зуучлагч шинжтэйгээр нөлөөлж байгааг статистик аргаар баталсан. Энэ нь олны танил хүний шинж чанарууд нь хэрэглэгчтэй тогтоосон сэтгэл зүйн холбоогоор дамжин борлуулалтын үр ашгийг нэмэгдүүлдэг механизм болохыг харуулж байна. Дүгнэлт: Олны танил хүний мэргэжлийн байдал болон брэндтэй нийцтэй байх нь шууд борлуулалтыг өдөөдөг бол, итгэлцэлд суурилсан парасоциал харилцаа нь урт хугацааны маркетингийн үр нөлөөг бэхжүүлэх стратегийн "гүүр" болж байна. 2026-06-22T00:00:00Z https://repository.ufe.edu.mn/xmlui/handle/8524/4831 Гэр бүлийн хамтын чөлөөт цаг зарцуулалтын хэрэгцээг тодорхойлох судалгаа Бат-Очир, Энхсолонго Энэхүү судалгааны ажлаар сургуулийн насны хүүхэдтэй гэр бүлийн хамтын чөлөөт цаг зарцуулалтын эрэлт хэрэгцээ, одоогийн түвшинг тогтоож, үүнд саад болж буй хязгаарлалтуудыг тодорхойлохыг зорьсон болно. Судалгааны онолын үндэслэл болгон “Гэр бүлийн үйл ажиллагааны онол”-ыг ашигласан бөгөөд хязгаарлалтуудын хувьд сэтгэл зүйн, цаг хугацааны, мэдлэг мэдээллийн, сонирхлын зэрэг чөлөөт цагаа өнгөрүүлэхэд нөлөөлдөг хүчин зүйлсийг авч үзсэн. Судалгаанд Улаанбаатар хотод амьдардаг гэр бүлүүдийн төлөөлөл болох 439 хүн оролцсон бөгөөд үүний 387 нь сургуулийн насны хүүхэдтэй гэр бүлийн төлөөлөл болж чадсан. Боловсруулалтад SPSS программыг ашиглан хүчин зүйлийн шинжилгээ, регрессийн шинжилгээ, кластер шинжилгээ, FLAP загварын шинжилгээ, бүлгийн дундаж утгад суурилсан шинжилгээ зэргийг хийж гүйцэтгэв. Судалгааны үр дүнд гэр бүлийн хамтын чөлөөт цаг зарцуулалтын түвшин Монгол гэр бүлүүдийн хувьд дунджаас доогуур үзүүлэлттэй байгаа нь тодорхойлогдсон бөгөөд үүний дотор үндсэн чөлөөт цаг нь тэнцвэржүүлэх чөлөөт цагаас илүү оролцоотой байгаа нь тогтоогдсон. Мөн үл хамаарах хувьсагчид болох сэтгэл зүйн, мэдлэг мэдээллийн, цаг хугацааны хязгаарлалтууд зуучлагч хувьсагч болох сонирхлын хязгаарлалтаар дамжин чөлөөт цагийн оролцооны түвшинд сөргөөр нөлөөлж буй нь батлагдав. Мөн судалгаанд оролцогчдын үнэ цэн, үйлчилгээнд чухалчилдаг хүчин зүйлсэд үндэслэн 3 сегмент гарч ирэв. Тэдгээр нь бага, дунд, өндөр хүлээлттэй гэсэн 3 сегмент бөгөөд тэдгээрийн персона болон тэдэнд хэрэгцээт үйлчилгээг хүргэх маркетинг, стратегийг санал зөвлөмжийг боловсруулав. Энэхүү судалгаа нь гэр бүлийн чөлөөт цагаа хамтдаа өнгөрүүлэхэд дэмжих бүтээгдэхүүн үйлчилгээний зах зээлийг хөгжүүлэх суурь ойлголтыг бий болгож, чөлөөт цагаа өнгөрүүлэхэд саад болж буй хүчин зүйлсийг статистик ач холбогдлын түвшинд загварчлан томьёолсон Монгол дахь анхны судалгаа болж буйгаараа онцлог бөгөөд цаашдын судалгаа, бүтээгдэхүүн үйлчилгээний хөгжүүлэлт, нийгэмд чөлөөт цагийн ач холбогдлыг түгээх үйл ажиллагаанд бодит хувь нэмэр оруулах боломжтой байна. 2026-06-22T00:00:00Z