https://repository.ufe.edu.mn/xmlui/handle/123456789/2 2026-09-03T17:18:58Z https://repository.ufe.edu.mn/xmlui/handle/8524/4929 АЖИЛТНЫ ХӨДӨЛМӨРИЙН АЮУЛГҮЙ БАЙДАЛ АЛДАГДСАНААС ҮҮСЭХ ХОХИРЛЫГ АРИЛГУУЛАХ ЭРХ ЗҮЙН АСУУДАЛ Эрдэмбилэгт, Ариунбилэг Энэхүү дипломын ажил нь ажилтны хөдөлмөрийн аюулгүй байдал, эрүүл ахуй алдагдсанаас үүсэх хохирлыг арилгахтай холбоотой эрх зүйн үндсэн асуудлыг судлахад чиглэсэн болно. Судалгааны хүрээнд Монгол Улсын хөдөлмөрийн аюулгүй байдал, эрүүл ахуйн талаарх хууль тогтоомжийн зохицуулалт, ажил олгогчийн эрх үүрэг, үйлдвэрлэлийн осол, мэргэжлээс шалтгаалсан өвчин, түүнээс үүдэн бий болох хохирол, нөхөн төлбөрийн асуудлыг шинжлэн судаллаа. Мөн Хөдөлмөрийн аюулгүй байдал, эрүүл ахуйн тухай хууль болон түүний шинэчилсэн найруулгын төслийг харьцуулан судалж, шинэчилсэн найруулгад эрсдэлийн удирдлага, хөдөлмөрийн эрүүл мэндийн тандалт, цахим мэдээллийн тогтолцоо зэрэг олон улсын жишигт нийцсэн зохицуулалтыг тусгасан нь хөдөлмөрийн аюулгүй байдлын тогтолцоог боловсронгуй болгоход ач холбогдолтой болохыг дүгнэв. 2026-09-03T00:00:00Z https://repository.ufe.edu.mn/xmlui/handle/8524/4927 АЖАЙЛ УДИРДЛАГЫН АРГА БАРИЛ БА СЭТГЭЛ ЗҮЙН АЮУЛГҮЙ БАЙДАЛ: ИТГЭЛЦЭЛ, ИЛ ТОД БАЙДАЛ, БАГИЙН ГҮЙЦЭТГЭЛИЙН УЯЛДАА Даваажавын, БАТНАРАН Энэхүү судалгааны ажил нь ажайл удирдлагын арга барилыг нэвтрүүлэн хэрэгжүүлж буй байгууллагуудын гүйцэтгэх болон удирдах ажилтнуудын сэтгэл зүйн аюулгүй байдал, итгэлцэл, ил тод байдал нь багийн түргэн шаламгай шийдвэр гаргалт, гүйцэтгэл, үр дүнд хэрхэн нөлөөлж байгааг эмпирик түвшинд тодорхойлох зорилготой. Орчин үеийн байгууллагууд хурдтай өөрчлөгдөж буй орчинд өрсөлдөх чадвараа хадгалахын тулд ажайл буюу түргэн шаламгай арга барилыг нэвтрүүлж байгаа ч энэ нь зөвхөн процесс, аргачлалаас гадна хүний болон сэтгэлзүйн хүчин зүйлсээс ихээхэн хамааралтай байна. Судалгаа нь тоон өгөгдөлд суурилсан, хөндлөн огтлолын, туршилтын бус загвартай бөгөөд уялдаа холбоог тайлбарлах шинжтэй. Судалгаанд асуулгын аргаар өгөгдөл цуглуулж, нийт 177 оролцогч хамрагдсан. Цуглуулсан өгөгдлийг IBM SPSS Statistics программ ашиглан тодорхойлох статистик, найдвартай байдлын шинжилгээ, хүчин зүйлийн шинжилгээ, корреляцийн болон олон хүчин зүйлийн регрессийн шинжилгээгээр боловсруулсан. Шинжилгээний үр дүнгээс харахад сэтгэл зүйн аюулгүй байдал, ил тод байдал, удирдлагад итгэх итгэл нь ажайл удирдлагын арга барилтай эерэг хамааралтай байсан ба эдгээр хувьсагчид ажайл удирдлагын арга барилыг хангалттай хэмжээнд таамаглаж байгааг тогтоосон. Ялангуяа удирдлагад итгэх итгэл болон ил тод байдал нь багийн гүйцэтгэл, ажайл удирдлагын арга барилын хамгийн хүчтэй таамаглагч хүчин зүйлс байв. Судалгааны үр дүн нь ажайл удирдлагын арга барилыг хэрэгжүүлэхэд сэтгэл зүйн аюулгүй орчин, итгэлцэлд суурилсан манлайлал, ил тод харилцаа шийдвэрлэх үүрэгтэй болохыг нотолж, байгууллагын удирдлага болон хүний нөөцийн бодлогод эдгээр хүчин зүйлсийг системтэйгээр нэвтрүүлж хөгжүүлэх шаардлагатайг харуулж байна. Энэхүү судалгаа нь Монголын байгууллагуудын нөхцөлд ажайл багийн гүйцэтгэлийг тайлбарлахад хүний хүчин зүйлийн онолын болон практик ач холбогдлыг тодотгосон юм. 2026-09-02T00:00:00Z https://repository.ufe.edu.mn/xmlui/handle/8524/4926 ХАДГАЛАМЖИЙН ДААТГАЛЫН КОРПОРАЦИЙН ЭРХ ЗҮЙН ОРЧИН: ЗАСАГЛАЛЫН АСУУДАЛ БА САЙЖРУУЛАХ АРГА ЗАМУУД Амаржаргалын, АНАР Энэхүү дипломын ажил нь Монгол Улсын Хадгаламжийн даатгалын корпорацийн дотоод бүтэц, засаглалын механизм, эрх зүйн орчин зэргийг онол, практикийн үүднээс хадгаламжийн даатгалын тогтолцооны сайн жишгийг бий болгоод буй БНСУ болон Япон улстай харьцуулан судалсан. Түүнчлэн, Олон Улсын Хадгаламж Даатгагчдын Холбооноос гаргасан ХДК-ийн баримтлах суурь 16 зарчмуудыг Монгол улс системдээ нэвтрүүлж чадсан эсэх болоод тус зарчмуудын хэрэгжилтэд үнэлэлт дүгнэлт өгч, сайжруулах эрх зүйн санал, зөвлөмж боловсруулахад чиглэгдсэн болно. Мөн “Капитал” банкны дампуурлын жишээг судалж, Монгол Улсад банкны хямралын үед урьдчилан сэргийлэх эрх зүйн механизм дутмаг байгааг нотлон харуулсан. Судалгааны үр дүнд, Монгол Улсын ХДК нь санхүүгийн тогтвортой байдлыг хангахад чухал үүрэгтэй хэдий ч эрх зүйн орчин болоод бодлогын хэрэгжилтийн хувьд тодорхой сул талуудтай болохыг тогтоов. Иймд олон улсын жишигт нийцсэн бие даасан, урьдчилан сэргийлэх чиг үүрэг бүхий даатгалын тогтолцоог бүрдүүлэх, шаардлагатайгаас гадна хуульд “түр гүүр банк”, “хямралын үеийн нөөц төлөвлөгөө”, “өрийн эргэн төлөлтийн эрх” зэрэг заалтуудыг тусгах нь зүйтэй гэж үзлээ. 2026-09-02T00:00:00Z https://repository.ufe.edu.mn/xmlui/handle/8524/4925 АУДИТЫН МӨНГӨН НЭГЖИЙН ТҮҮВЭРЛЭЛТИЙН ПРОЦЕССЫГ MS EXCEL АШИГЛАН АВТОМАТЖУУЛАХ НЬ Мөнхбат, Хүслэн Энэхүү судалгааны ажлын зорилго нь аудитын мөнгөн нэгжийн түүвэрлэлтийн үндсэн процессыг судалж, бодит байгууллагын өгөгдөлд тулгуурлан уг процессыг MS Excel орчинд хэрэгжүүлэх автоматжуулсан загвар боловсруулахад оршино. Судалгаанд нэрийг нь нууцалсан аж ахуйн нэгжийн 2024 оны харилцах дансны зарлагын гүйлгээний өгөгдлийг ашигласан. Судалгааны хүрээнд аудитын мөнгөн нэгжийн түүвэрлэлтийн онол, арга зүйн үндсийг судалж, олонлогийн дүн тодорхойлох, түүврийн хэмжээ тогтоох, түүврийн интервал тооцох, selection point үүсгэх, түүвэрт хамрагдах гүйлгээг тодорхойлох зэрэг үндсэн үе шатуудыг MS Excel орчинд загварчилсан. Мөн гүйлгээний шинж чанарт суурилсан аналитик шинжилгээ хийж, бүхэл дүнтэй, давхардсан, амралтын өдөр хийгдсэн болон өндөр эрсдэлийн ангилалд хамаарах гүйлгээнүүдийг тодорхойлсон. Үүнээс гадна Benford-ийн хуулийг дэмжих шинжилгээний түвшинд ашиглан өгөгдлийн тархалтын шинжийг үнэлсэн. Судалгааны үр дүнгээс харахад боловсруулсан Excel загвар нь мөнгөн нэгжийн түүвэрлэлтийн үндсэн үйл ажиллагааг нэгтгэн хэрэгжүүлэх, гар ажиллагааг бууруулах, мөн аудитын анхаарал шаардлагатай хэсгийг илүү үр дүнтэй тодорхойлоход дэмжлэг үзүүлж байгааг харуулсан. Иймээс уг загвар нь аудитын үйл ажиллагааны үр ашиг, боловсруулалтын уялдаа болон практик хэрэглээнд ач холбогдолтой гэж үзэж байна. 2026-08-31T00:00:00Z