https://repository.ufe.edu.mn/xmlui/handle/8524/17 2026-11-06T16:36:17Z 2026-11-06T16:36:17Z Батсуурь, Сүндэр https://repository.ufe.edu.mn/xmlui/handle/8524/4943 2026-11-06T05:35:54Z 2026-11-06T00:00:00Z

Даатгалын баталгааны эрх зүйн зохицуулалт тулгамдсан асуудал Батсуурь, Сүндэр Энэхүү судалгааны ажлаар Монгол Улсад хэрэглэгдэж буй даатгалын баталгааны эрх зүйн зохицуулалт, түүний онолын үндэс, практик хэрэглээ болон тулгамдсан асуудлыг судлав. Даатгалын баталгаа нь гэрээний үүргийн биелэлтийг хангах, захиалагчийн эрх ашгийг хамгаалах, төслийн санхүүгийн эрсдэлийг бууруулах чиг үүрэг бүхий санхүү, эрх зүйн хэрэгсэл бөгөөд барилга, дэд бүтэц, төрийн худалдан авах ажиллагаа зэрэг салбарт өргөн хэрэглэгдэж байна. Судалгааны хүрээнд Монгол Улсын Иргэний хууль, Даатгалын тухай хууль болон холбогдох журмуудыг шинжилж, баталгаа, батлан даалт, банкны баталгаа болон даатгалын баталгааны эрх зүйн ялгаа, онцлогийг харьцуулан судалсан. Мөн олон улсын эрх зүйн зохицуулалт, тухайлбал FIDIC, ICC URDG 758, UNCITRAL болон Казахстан, ХБНГУ-ын туршлагыг авч үзэн Монголын эрх зүйн орчинтой харьцуулсан болно. Түүнчлэн Монголын даатгалын зах зээл дэх практик хэрэглээ, даатгалын синдикат, давхар даатгалын хэрэглээ, банкны болон даатгалын баталгааны ялгаа, хэрэглэгчийн эрх ашигтай холбоотой асуудлыг судалж, эрх зүйн зохицуулалтын тодорхой бус байдал, практикт үүсч буй хүндрэлүүдийг тодорхойлов. Судалгааны үр дүнд Монгол Улсад даатгалын баталгааны эрх зүйн зохицуулалтыг боловсронгуй болгох, олон улсын жишигт нийцүүлэх, даатгалын компаниудын эрсдэл даах чадамжийг нэмэгдүүлэх, давхар даатгалын тогтолцоог бэхжүүлэх, төрийн худалдан авах ажиллагаанд хэрэглэх эрх зүйн орчныг тодорхой болгох шаардлагатай гэсэн дүгнэлтэд хүрсэн.

2026-11-06T00:00:00Z Батчулуу, Анужин https://repository.ufe.edu.mn/xmlui/handle/8524/4941 2026-11-02T06:42:25Z 2026-06-29T00:00:00Z

Угаалгын үйлчилгээний захиалга хүргэлтийн систем Батчулуу, Анужин Монгол Улсад хотжилт эрчимтэй нэмэгдэж, хүн амын төвлөрөл хот суурин газруудад ихсэхийн хэрээр ахуйн үйлчилгээний эрэлт, тэр дундаа угаалгын үйлчилгээний хэрэглээ жилээс жилд өсөн нэмэгдэж байна (Num.edu.mn, n.d.)Хотын амьдралын хурдац, цаг хугацааны хомсдол нь иргэдийг гадны үйлчилгээ, ялангуяа угаалгын үйлчилгээ ашиглах хандлагыг нэмэгдүүлж байна. Гэсэн хэдий ч ихэнх угаалгын үйлчилгээ эрхлэгч байгууллагууд захиалгаа уламжлалт аргаар, тухайлбал утсаар, сошиал сүлжээний чат ашиглан эсвэл биечлэн хүлээн авч байгаа нь үйлчилгээний үр ашигт сөргөөр нөлөөлж байна. Энэ нь захиалгын мэдээлэл алдагдах, давхцах, буруу бүртгэгдэх, мөн хүргэлтийн үйл ажиллагааны зохион байгуулалт алдагдах зэрэг асуудлуудыг үүсгэж байна (Review Paper) Иймд энэхүү дипломын ажил нь угаалгын үйлчилгээний онлайн захиалга, хүргэлтийн системийг шинжлэх, зохиомжлох замаар үйлчилгээг цахимжуулах, автоматжуулах боломжийг судалсан болно.Судалгаанд чанарын (ажиглалт, судалгааны) болон асуулгын аргыг хослуулан ашиглаж, Улаанбаатар хотын угаалгын үйлчилгээ эрхэлдэг байгууллагуудын өнөөгийн нөхцөл байдалын судалгаа хийсэн. Судалгааны үр дүнд боловсруулсан систем нь хэрэглэгчийн захиалгыг онлайн хэлбэрээр хүлээн авч, хүргэлтийн үйл ажиллагааг оновчтой төлөвлөх, автоматжуулах боломжийг бүрдүүлнэ. Ингэснээр үйлчилгээний хурд, чанар сайжирч, хэрэглэгчийн сэтгэл ханамж нэмэгдэхээс гадна байгууллагын өгөгдөлд суурилсан шийдвэр гаргалтыг дэмжих цогц шийдэл бий болно. Энэхүү системийг нэвтрүүлснээр захиалгын удирдлага сайжирч, хүргэлтийн үр ашиг нэмэгдэн, үйл ажиллагааны зардал буурч, бизнесийн өрсөлдөх чадвар дээшлэх бүрэн боломжтой юм.

2026-06-29T00:00:00Z Амгаланбаатарын, АМАРБАЯСГАЛАН https://repository.ufe.edu.mn/xmlui/handle/8524/4940 2026-10-26T05:27:52Z 2026-10-26T00:00:00Z

АЯЛАЛ ЖУУЛЧЛАЛЫН САЛБАРЫН ХҮНИЙ НӨӨЦИЙН ЭРЭЛТ ТОДОРХОЙЛОХ /ТУР ОПЕРАТОР КОМПАНИЙН ЖИШЭЭН ДЭЭР/ Амгаланбаатарын, АМАРБАЯСГАЛАН Аялал жуулчлалын салбар нь тухайн улсын өв соёл , түүх , нөөц бүтээгдэхүүныг дэлхий дахинд гарган таниулах зорилготой түүнчлэн байгальд ээлтэй, нийгэм-эдийн засагт хувь нэмэр оруулах, ирээдүйд тэлэн өргөжиж цар хүрээгээ тэлэх чадвартай, ажлын байрыг бий болгож, нарийн ур чадвар мэдлэг шаарддаг, эдийн засгийн бусад салбаруудад харилцан хамааран үр өгөөжтэй байдгаараа онцлог салбар юм. Бидний мэдэж байгаагаар аялал жуулчлал нь үйлчилгээнд суурилсан салбар бөгөөд бүтээгдэхүүн нь биет бус шинж чанартай байдаг. Энэ салбарын гол хүчин зүйлүүдын нэг бол хүний нөөцийн алба юм. Ресторан, Зочид буудал, жуулчны баазаас эхлээд тур оператор компани хүртэл хүнээс хүн рүү харилцдаг. Дэлхийн улс орны аялал жуулчлалын нөөц , бүтээгдэхүүн өсөн нэмэгдэж байгаатай холбогдуулан хүний нөөцийн хомсдол үүсэж байна. Монгол орны хувьд ч бас хүний нөөцийн хомсдолд 50-78 хувь хүрсэн байна.

2026-10-26T00:00:00Z Дэлгэрбаяр, Ууганзаяа https://repository.ufe.edu.mn/xmlui/handle/8524/4939 2026-10-08T05:02:13Z 2026-10-08T00:00:00Z

Төр, хувийн хэвшлийн түншлэлийн гэрээ байгуулах эрх зүйн зохицуулалт, хэрэгжилтийн асуудал Дэлгэрбаяр, Ууганзаяа Энэхүү судалгааны ажил Монгол улсын Төр, хувийн хэвшлийн түншлэлийн тухай хууль, түүнд нийцүүлэн батлагдсан Засгийн газрын 404, 474, 475 дугаар тогтоолын холбогдох журам, түншлэлийн гэрээний стандарт загварын хүрээнд гэрээ байгуулах ажиллагааны эрх зүйн зохицуулалт, хэрэгжилтийн асуудлыг судлахад чиглэнэ. Судалгаанд гэрээ байгуулах эрх хэмжээ, гэрээ байгуулах зөвшөөрөл, гэрээний гол нөхцөл, стандарт гэрээний загварын эрх зүйн үүрэг, дагалдах гэрээ, гэрээний хэрэгжилтийн хяналт, маргаан шийдвэрлэх болон харъяаллын зохицуулалтыг голлон авч үзнэ. Мөн Монгол улсын зохицуулалтад илэрч буй асуудлыг Казахстан, Бүгд Найрамдах Солонгос улс, Их Британи, Францын зохицуулалттай харьцуулахын зэрэгцээ Эдийн засгийн хамтын ажиллагаа, хөгжлийн байгууллага (OECD), НҮБ-ын Ази, Номхон далайн эдийн засаг, нийгмийн комисс (UNESCAP)-ын Төр, хувийн хэвшлийн түншлэлийн тухай гэрээний тодорхой байдал, эрсдэлийн хуваарилалт, маргаан шийдвэрлэхтэй холбоотой зөвлөмжийг эх сурвалж болгон ашиглана. Иймд уг судалгааны хүрээ нь Төр, хувийн хэвшлийн түншлэлийн гэрээ байгуулах эрх зүйн зохицуулалт, түүний хэрэгжилтийн асуудлаар хязгаарлагдана.

2026-10-08T00:00:00Z