https://repository.ufe.edu.mn/xmlui/handle/8524/14 2026-07-03T18:34:30Z 2026-07-03T18:34:30Z Цэрэнсумъяа, Азжаргал https://repository.ufe.edu.mn/xmlui/handle/8524/4861 2026-07-03T02:25:13Z 2026-07-03T00:00:00Z

Хөдөлмөр эрхлэх магадлалд нөлөөлөх хүчин зүйлийн шинжилгээ Цэрэнсумъяа, Азжаргал Энэхүү судалгааны ажлын зорилго нь Монгол Улсын хөдөлмөрийн насны хүн амын хөдөлмөр эрхлэх магадлалд нөлөөлөх хүчин зүйлсийг тодорхойлж, тэдгээрийн нөлөөллийг эконометрик аргаар үнэлэхэд оршино. Судалгаанд Үндэсний статистикийн хорооны Ажиллах хүчний судалгааны 2015-2023 оны микро өгөгдлийг ашиглан пробит загварын аргаар шинжилгээ хийсэн болно. Судалгаанд хөдөлмөр эрхлэх магадлалд нөлөөлөх хувь хүний болон өрхийн түвшний хүчин зүйлс болох хүйс, нас, боловсролын түвшин, гэрлэлтийн байдал, өрхийн ам бүлийн тоо, оршин суух байршил зэрэг хувьсагчдыг сонгон авч үнэлгээ хийсэн. Шинжилгээний үр дүнгээс харахад боловсролын түвшин хөдөлмөр эрхлэх магадлалд эерэг нөлөө үзүүлж байгаа бол эмэгтэй байх болон өрхийн ачаалал нэмэгдэх нь сөрөг нөлөөтэй гарсан. Мөн хот хөдөөгийн ялгаа нь хөдөлмөр эрхлэх магадлалд статистикийн ач холбогдолтой нөлөө үзүүлж байгааг тогтоосон. Энэхүү судалгааны үр дүн нь хөдөлмөр эрхлэлтийг нэмэгдүүлэх, ялангуяа эмэгтэйчүүдийн хөдөлмөрийн зах зээлд оролцоог дэмжих бодлогын шийдвэр гаргалтад ач холбогдолтой юм.

2026-07-03T00:00:00Z Лхагвасүрэн, Нандин-эрдэнэ https://repository.ufe.edu.mn/xmlui/handle/8524/4859 2026-07-03T02:20:32Z 2026-07-03T00:00:00Z

Засвар үйлчилгээний нэгдсэн платформ Лхагвасүрэн, Нандин-эрдэнэ Монгол Улсад ахуйн засвар үйлчилгээний хэрэгцээ өсөж байгаа ч захиалга өгөх, үйлчилгээ авах үйл явц ихэвчлэн Facebook, Messenger зэрэг нийгмийн сүлжээнд хяналтгүй байдалтай явагдаж байна. Үүний хэдэн том гол шалтган гэвэл мэдээллийн стандартгүй байдал, гүйцэтгэгчийн чанарын баталгаа сул, захиалгын явц хянагдахгүй гэсэн асуудлууд байгаа билээ. Өнөөдөр хүмүүс гэртээ ч бай эсвэл байгууллага дээрээ ч бай ямар нэг зүйл эвдрээд засварын үйлчилгээ авах үед ихэнх хүмүүс Facebook, Messenger зэрэг нийгмийн сүлжээ ашиглан хүн хайж, захиалга өгч байна. Энэ нь нэг талаасаа хурдан мэт боловч нөгөө талаасаа мэдээлэл бүтэцгүй, тохирох хүнээ олоход төвөгтэй болох, өмнөх ажлын үнэлгээ тодорхой харагдахгүй байх, захиалгын явц хяналтгүй үлдэх зэрэг олон хүндрэл дагуулдаг. Судалгааны хүрээнд ашигласан аргууд • Ярилцлага: цахин сүлжээнээс аливаа нэг засварын үйлчилгээ авсан хүмүүсээс асуулт асуух • харьцуулсан шинжилгээ: Бусад ижил төрлийн вэбсайт болон аппликейшнтай хариуцуулах • Бизнес процессын шинжилгээ: Одоогийн байгаа үйл явцыг судлах • Системийн шинжилгээний: Энэхүү сэдвийн хүрээнд ямар систем ашиглах Судалгаагаар үйлчилгээний захиалга одоогийн ажлын урсгалыг судалж практик сайжруулалт гаргасан байгаа. Мөн хэрэглэгч, үйлчилгээ үзүүлэгч, захиалга, санал, үнэлгээ, захиалгын төлөв зэрэг үндсэн элементүүдэд тулгуурласан системийн шаардлага, анхны зохиомжийг тодорхойлсон.

2026-07-03T00:00:00Z https://repository.ufe.edu.mn/xmlui/handle/8524/4854 2026-07-02T08:36:49Z 2026-06-10T00:00:00Z

ОЛОН УЛСЫН БОЛОВСРОЛ ЗУУЧЛАЛЫН БАЙГУУЛЛАГЫН ҮЙЛ АЖИЛЛАГААНЫ НЭГДСЭН СИСТЕМ (“ICMA World” КОМПАНИЙН ЖИШЭЭГЭЭР) Энэхүү дипломын ажлаар компанийн үйл ажиллагаанд зориулсан нэгдсэн мэдээллийн системийн шинжилгээ, зохиомжийг боловсруулсан. Уг систем нь оюутны бүртгэл, материалын удирдлага, визний процесс болон тайлангийн үйл ажиллагааг автоматжуулж, байгууллагын үйл ажиллагааны үр ашиг, мэдээллийн нэгдсэн удирдлагыг сайжруулахад чиглэнэ.

2026-06-10T00:00:00Z Баттогтох, Баярмаа https://repository.ufe.edu.mn/xmlui/handle/8524/4845 2026-06-24T02:08:30Z 2026-06-24T00:00:00Z

СОНИРХЛЫН ЗӨРЧИЛТЭЙ ХЭЛЦЛИЙН ЭРХ ЗҮЙН ЗОХИЦУУЛАЛТАД ТУЛГАМДАЖ БУЙ АСУУДАЛ, ХАРЬЦУУЛСАН СУДАЛГАА Баттогтох, Баярмаа Энэхүү дипломын ажил нь компанийн эрх зүй дэх сонирхлын зөрчилтэй хэлцэл, мөн нэгдмэл сонирхолтой этгээдтэй хийх хэлцлийн ойлголт, хүрээ, ангилал, илрэх хэлбэрийг онол-практикийн үүднээс нэгтгэн судалсан болно. Судалгаанд Монгол Улсын Компанийн тухай хууль болон төрийн өмчит, төрийн оролцоотой компанийн засаглалтай холбоотой зохицуулалтыг олон улсын зарчим, гадаад улсын зарим туршлагатай харьцуулан шинжилж, хэрэгжилтийн бодит асуудлуудыг тодруулсан. Мөн зохицуулалтын үр нөлөөг “зөвшөөрөх, мэдээлэх” зэрэг хэлбэрийн шаардлага төдийгүй “компанийн эрх ашигт нийцэх, зах зээлийн үндэслэл, хяналтын механизм” зэрэг агуулгын шалгуураар үнэлэх шаардлагыг дэвшүүлсэн. Үүнийг баталгаажуулах зорилгоор зохицуулагч байгууллагын байр суурь, шүүхийн практикт тулгуурласан тохиолдлуудыг авч үзэн, жижиг хувьцаа эзэмшигчийн эрх ашгийг хамгаалах зохицуулалт хэрхэн хэрэгжих боломжтойг тайлбарласан. Эцэст нь сонирхлын зөрчилтэй хэлцлийг илрүүлэх, хянах, хариуцлага тооцох тогтолцоог сайжруулах чиглэлээр эрх зүйн болон хэрэгжилтийн түвшний дүгнэлт, санал боловсруулсан.

2026-06-24T00:00:00Z